Вясна – час ставіць рэгулюемыя падсёдзелы на свае месцы. Апну тэму невялічкай гісторыяй па KS Eten Remote (2013 model year і набыцьця, 100мм ход).
Гэтая мадэль добра працавала ў фабрычным выглядзе прыблізна першыя 1.5 гады ці трохі больш (пры гэтым у "вялікі мінус" не ёзьдзіў, здымаў бруд ды змазваў). Потым кнопка на агалоўку падсёдзела перастала поўнасьцю ўздымаць рычажок, падсёдзел перастаў працаваць на ўвесь ход, прыйшлося замяніць фабрычны пластыкавы remote-рычажок (на рулі) на манетку ад пярэдняга пераклюка. Добра падыходзяць тыя манеткі, якія маюць "адбойнік" пад сьвінцовую бабышку на канцы тросіка, каб механізм са спружынаю, які утрымлівае тросік, на адваротным ходзе ціснуў на сьвінцовую бабышку і тросік павяртаўся ў першапачатковае становішча самастойна, тады і рычажку на агалоўку ўверх уздымацца лягчэй. Напрыклад (з дапрацоўкай – адпілоўваньнем прыступак хуткасьцяў, здымам залішніх дэталек), старыя пярэднія Sram X9 (3 speed), або рэдкі рарытэт Suntour Duro (3 speed). Можна і іньшыя манеткі спрабаваць ставіць, але прыйдзецца яшчэ больш дапрацоўваць сам механізм манэткі.
Дзесьці ў сярэдзіне мінулага году KS перастаў уздымацца нават з "правільным" рычажком-манеткай. Хоць KS Eten і неразборны, але разабраў ды намуціў ніпель падпампоўкі. Для гэтага прыйшлося распілаваць камеру каля алю балта-заглушкі (і паменьшыць ход да прыблізна 85мм). Так і працуе. Не так хутка як новы ўздымаецца, часам уздымаецца не на ўвесь ход, паціху травіць відэлечнае масла праз ніпель, але працуе ды ўсё ж зручнейшы, чым звычайны, нерэгулюемы падсёдзел.
